Jatiyaku ishki ladu manyagunallabidimi
kausida kuj yura tiyaga.
Chi yuraga killandijta aparishami
watabiga chunga ishki
kutin granujkuga.
Chi yuraj p'angagunaga
tuki llaktagunabi kausujkunada
alliyachingumi alli gaga.
Apocalipsis 22.2
Kai sitio de webmu kan shamushkamunda Diosolopai ninchi. Kaibi purisha kushiyachun ninchi. Kaibi tiyaj menumunda agllana gangui: Jesusmunda videogunada rikuna, Mushuj Testamento grabashkada uyana, shinaidi textosgunada liyana.
Kaibi tuki churashkaguna Taita Dios jatunyachichun munanchi. Kangunaga liyajkuna gasha uyajkuna gasha Jesusmunda alli intindichun. Maijin gentesh Jesucristoda crisha, juchamunda Kishpichij gashkada crisha shinaidi kikinbuj kausida mandachun mañakiga Diosga chi gentedaga juchamunda kishpichisha na tukurij kausida kungu 'Ari, shina rurushami' nishka. Ñukuchi Diosbuj Churi Jesucristoda katiguki Paida kushiyachingaj ima laya kausanada rikuchingami. Kai sitio de webmunda "mikusha" intindisha alli yuyasha kambuj crinaga jinchiyachishka gachun.
¡Tuki Salasakada Dios bendiciachun!
Marzo de 2018bi Mushuj Testamentoda lanzamiento tiyaga.
Kaibi klik-da rurushaga chishuj páginamu ringuilla.
Diosbuj shimiga manchanaidi valinmi -- warmigunabujka k'arigunabujka ...
... maragunabujkish!
¡Diosbuj shimiga tesorolayami!
Shuj libroda randingu kaimu escribingui: <xxxxx@gmail.com>
Dioska tukida ruri pudijmi. Paida rijsingu kaibi churashkagunada rikubai, uyabai, liyabai. Paiga kushka alligunadash k'willa kawsidash kanmu kush ninmi.
Urabi chusku recursosgunaga tiyan:
- "Versos básicos para memorizar"
- "Taita Diosbujmu Jaku Ñukan".
- "Cruzbi wañugusha Jesusbuj kanchis shimigunamunda"
- "Mushuj Testamentobiga Jesusmundami nishkamunda"
(Ishki layada eskribi pudin. Kai "k"bish "w"bish llujshinmi; kai "qu"bish "hu"bish llujshinmi. Ishki layada kai sitiobi rikungui.)
Versos para memorizar
Taita Diosbujmu Jacu Ñucan
Jesus cruzbi tiyasha llakishash k'willa shimigunada parlaga. Kai kanchis shimiguna Marcos 15-bi, Lucas 23-bi, Juan 19-bi japi pudingui. Jesusmunda liyusha Pai laya kausasha ñaubujmu purichun munanchi.
"Shina gakish ñukaga 'Yallimi gani' nina yuyida nalladi nishkanimu; ashtangarin ñukuchij Manduj Jesucristobuj cruzllamundami 'Alli gani' nini. Kaimundami kai pachaga chakatashkama shina ña imash na imachugun. Shinaidi kai pachajka ñukash wañushkama laya ña imash na ganichu." Galatas 6:14 (San Pablo escribishka)
Shuj inglesta parlujka k'willa Jesusta nisha tawga versogunada agllusha kutin kutin yuyarisha gentegunaj ñaubuki parluga Jesucristoda jatunyachingu. Kaibi paibuj parlashkada uyi pudingui. Chi videoga 36 minutosmi.
